Curacao Tourist Board ta spera un crecemento preliminar di 6 % den cantidad di turista crucero den e prome kwartal di 2017

0

Willemstad Curacao: Djasabra 10 di desèmber último,e barku krusero MS Koningsdam a bishitá Kòrsou pa promé biaha. Esaki tabata motibu pa tene un seremonia kòrtiku riba e barku kaminda e kapitan i e crew a risibí un kaluroso bon bini na nòmber di Gobièrnu di Kòrsou representá pa Minister di Desaroyo Ekonómiko, sr. Eugene Rhuggenaath, representantenan di Curaçao Ports Authority (CPA) i Ofisina di Turismo di Kòrsou (CTB).

MS Koningsdam ta parti di e famia di e liña krusero Holland America Line i tin un kapasidat di 2,650 pasahero. E barku a drenta den servisio na aprel di e aña aki, pues ta un barku hopi moderno i nobo. Durante di e enkuentro ameno Minister di Desaroyo Ekonómiko sr. Eugene Rhuggenaath a duna e kapitan, sr. Bowland un kaluroso bon bini i a entreg’é un plaka pa konmemorá e promé bishita di e barku pa Kòrsou. Turismo Krusero ta parti importante di e totalidat di nos turismo. Un  turista krusero despues por regresá nos isla bèk pa un bishita mas largu. Pa e promé kuartal di 2017 ta spera un kresementu preliminar di 6% pa loke ta trata kantidat di turista krusero kompará ku aña pasá. Bon Bini na MS Koningsdam!