Willemstad Curacao: Den kuadro di e tarea ku e ‘Task Force Vuurwapen’ tin, djadumingu 29 pa djaluna 30 di òktober 2017 entre 23.30 or di anochi pa 05.00 or di marduga e tim aki a tene kòntròl(nan) dirigí riba posishon ilegal di arma di kandela i otro delitonan na respektivamente Kaya Ma Pieternella, F.D. Rooseveltweg i Gosieweg.
Durante e kòntròl(nan) aki a detené tres (3) hòmber sospechoso. Ta trata di e hòmbernan;
- R.F.S. di 43 aña di edat, detenshon pa ladronisia i enkubrimentu (ku outorisashon di Fiskal di Ministerio Públiko);
- S.A.G. di 38 aña di edat, pa violashon di lei di Opio;
- U.A.R.M. di 35 aña di edat, pa violashon di lei di Opio.
Tur tres nasé na Kòrsou.
Un total di ocho(8) prosèsverbal a keda repartí pa diferente infrakshon.
Durante di e kòntròl a haña i konfiská dos saku chiki ku mariwana i a kita un (1) vehíkulo, ku a keda transportá ku kran pa kurá pa motibu ku su dokumentonan no tabata na òrdu.
A presentá e sospechosonan dilanti di un Fiskal Ouksiliar ku a ordená nan enkarselashon pa mas investigashon.
E akshonnan aki ta kontinuá.