Pa Sra. Shailinny Tromp- Lee, ta un honor y un inicio pa su persona ariba e tereno aki, representa su pueblo, momento cu el a wordo huramenta como parlamentario.
Aruba tin hopi reto su dilanti y cu fe den Dios, tur cos ta posibel. Mescos cu deporte, tin otro terenonan cu sigur tin retonan nan dilanti. Sigur e deportenan cu ta deportenan cu mas ta keda practica, un baseball, futbol. Ta cosnan cu hubentud ta mas activo den dje. E enfoke mester ta pa ban zorg pa mantene loke tin caba, zorg pa nan ta den uzo optimal pa despues sigui amplia.
E enfoke primordial, den e periodo nan dilanti, ta pa zorg pa cultura drenta scolnan bek. No solamente e parti di fiesta, e parti folklorico y duna atencion nan nos fiesta nacional, pero e formacion di ta Arubano. Mester concentra ariba e parti aki, como tambe norma y balor, lo mester haya hopi atencion e añanan nos dilanti.
Sra. Tromp- Lee a traha 7 aña cu su tata riba e tereno di Labor, Cultura y Deporte. Ta terenonan y nivelnan ey, el a domina. Pero e ta un economista, cual ta pone cu por duna su aporte ariba diferente tereno. En berdad, cu na Aruba e no a traha ariba e terenonan aki. Pero e ta un baggage cu e tin mas cun’e y ariba e tereno aki e lo por aporta grandemente. Aruba su economia ta stagna, pa diferente motibo.
Tin cosnan cu no ta den nos man, pero si tin hopi cos cu lo por haci na un manera creativo pa bin cu solucionnan ariba e area social, cu sigur tin impacto directo di loke ta e stagnamento den nos economia, segun Sra. Shailinny Tromp- Lee.