Cuida tur locual ta di bo den ultimo fin di siman di Carnaval

0
RBC Juli 2018
Funmiles-2018

E fin di siman aki lo ta e ultimo siman di carnaval y ainda por mira cu criminalidad ta birando algo cu ta keda un problema den carnaval. Gobierno y Minister ta cambia pero criminalidad ta keda mescos den e periodo aki. Despues di tur e añanan trahando como Polis, Parlamentario di AVP Robert Candelaria ta pidi pa tur hende tene cuenta cun’e.

Den e temporada di e carnaval aki, specialmente e ultimo siman, pa cuida bo famia, cuida loke ta di bo, cuida bo propiedad. E ta un responsabilidad di cada un di nos, asina Robert Candelaria a expresa. Un ehempel ta pa cuida e yiunan, pasobra si bo ta bay parada cu nan, zorg pa nan oido ta proteha. Tambe pa tin sunblock, tin suficiente awa y esunnan cu kier consumi alcohol pa wanta esaki mas limita si ta posibel, asina aki bo ta keda responsabel y consciente.

Tambe pa mira e cosnan cu bo ta trece hunto y cuida esakinan, mira pa esunnan cu ta rond di otro. Ta importante pa corda cu e publico tambe ta e horea y wowo di polis, di cual comparti kico bo mira cu nan. Pa loke ta cas di cada uno, ta importante pa cuida esaki. Ta preferibel pa laga un persona na cas pa asina cuida e cas y vecindario. Polis ta patruya pero tur hende ta responsabel pa nan cas.

Durante e parada tene Aruba limpi y esaki ta responsabilidad di cada uno di nos, asina Parlamentario Candelaria a expresa. E fin di siman aki, manera AVP ta haciendo casi 30 aña caba, lo parti cahanan pa pone sushi aden. Lo parti saco di sushi, pero tur hende ta responsabel pa laga Aruba limpi y bunita manera mester ta.

“Esunnan cu ta scoge pa keda cas, famia- y iglesianan, gosa boso weekend y pasa un dushi tempo cu otro. Corda cu e tempo familiar ta hopi importante”, asina Parlamentario Candelaria a expresa. Ta keda urgi tur hende pa corda cu nos mes ta responsabel pa nos pais p’e ta safe y bunita. Un Aruba mas safe y mas sigur, ta den man di nos tur. Parlamentario Candelaria a expresa cu pa otro fin di siman nos tur por mira bek riba un fin di siman cu tabata safe y safe.

Tur hende mester coopera cu Polis, Brandweer, Rode Kruis, Ambulance y tur esunnan cu ta traha e fin di siman aki, pa asina por tin un fin di siman trankilo y dushi. “Mi kier a gradici cada un di boso pa boso esfuerso, pa boso yudansa y cu nos por mira bek riba un fin di siman trankilo, safe y dushi”, asina Robert Candelaria a termina bisando.

Comments

comments

C: Heineken
new india
dvg