E bendemento di droga of crimen den e area banda di hotelnan no a subi, e tin su subida y su bahadanan. E presencia policial eynan sigur ta hunga un rol tambe. Sr. Andrew Hoo, Alto Comisario di Polis, ta splica.
Hopi hende ta bisa cu nan no ta mira presencia di polis eyden, y en berdad, lo kier combina e patruyahe cu e presencia policial ariba bicicleta of polisnan na pia. E unidad ariba bicicleta, esey a baha un rato, door cu tabata tin un reposicion di capacidad. Paar di hende mester a bay otro departementonan pa asina yuda cu cierto desaroyonan den nos sociedad. Un rato tabata tin ‘verschuiving’ di personal. Pero Cuerpo Policial si a keda eynan.
Ora un hotel of turista yama, pa un intermediacion cu’n compania di watersport, esaki tambe ta tarea di polis. E beachpolicy tambe ta den efecto den e area ey, cual ta rekeri hopi presencia policial. E capacidad ta wordo gestretched te na su maximo, cual ta duna e impresion cu enberdad polis no ta den e area. Pero esey no ta e caso, si nan ta den e area. pero nan ta den area, pero ta bezig cu yen otro tareanan cu tin di haber cu nan trabao.
E relacion entre Cuerpo Policial cu e sector hotelero t’ey ainda, esey nunca no a kibra. E Aruba Hospitality and Security Foundation ta un apoyo grandi pa Cuerpo Policial y gobierno, den e situacion financiero y nan ta yuda cu e material cu nan mester. Tur luna Cuerpo Policial ta reuni cu e directornan di siguridad di e hotelnan, unda cu nan ta traha hunto cu Cuerpo Policial. Regularmente ta reuni cu nan, pa wak kico ta e problema pa cada hotel individualmente, y e area completo. Nan ta complimenta Cuerpo Policial pa loke ta e view. SI tin un bendemento di droga, y sorto di meldingnan ey, nan ta haya di biaha. SI e reaccion ey no t’ey di biaha, ta traha ariba dje. E patruya ta bin, si un investigacion mester bin, esaki lo tuma luga conhuntamente cu e siguridad di e hotel.
Aworaki tin un chef nobo na Noord, y pronto lo tin un hefe nobo na Strandpolitie. E persona aki lo ta encarga mas inhoudelijk cu e parti ey. Mirando e desaroyonan caminda ta pronostica cu lo tin mas turista den e area aki.
Pa loke ta e uzo di drones, ta depende den ki sentido ta wordo uza. Ya caba drones ta wordo uza pa un tempo door di KPA, pa diferente motibonan. Ta uzando tin biaha, mas specifico durante investigacionan. Un rato mester evalua si e drone ta efectivo pa e surveillance. No solamente mand’e halto. Ta depende di e situacion, no ta tur ora e ta efectivo. Mester evalua si e ta eficiente y si tin un return of investment pa dje, p.e. durante carnaval. Si ta uze den un surveillance, mester tene cuenta cu privacidad di hende.
Recientemente, den e mesun temporada cu Sr. Hoo a bolbe den Cuerpo Policial. Por bisa cu nan tabata bon bezig, nan tabata traha hopi bon. No ta tur cos ta sali den noticia, y tin desaroyonan positivo. Pero hecho ta cu Strandpolitie ta haciendo un bon trabao, pa loke ta bendemento di droga. Nan ta hasta trahando cu e Afpakteam. Hopi biaha e persona ta wordo gara ‘con las manos en la masa’, p.e. un persona cu no tin trabao, si hay’e cu un montante grandi di placa ariba dje, e mester prueba con el a yega na dje. Lo cuminsa un investigacion pa cu esaki.
Pa loke ta e bendemento di droga, si no tin vraag na droga, lo tin aanbod pa loke ta e droga, segun Sr. Hoo. Hopi turista ta drenta Aruba, y no sa nos sistema di droga na Aruba, ya cu hopi ta e turistanan cu ta drenta cu mangel di droga Aruba. Pa cu esaki, structuralmente, pa esaki no tin un plan ainda. Mester educa e turistanan cu nan ta den un pais stranhero, pa nan zorg pa nan no hayanan cu problema cu ley, cual sa pasa.
Por ultimo, Sr. Andrew Hoo, Alto Comisario di Polis a splica cu nos pilar economico ta turismo y mester cuid’e. Pero tampoco no kier turistanan cu ta bin haci y deshaci riba nos isla. E sancionnan ta keda mescos, dus Cuerpo Policial no ta bay handle turistanan cu ta comete un crimen ariba nos isla, cu man di felpa.