Problema di adictonan den centro di ciudad ta birando mas den centro y nan ta birando un problema den comunidad tambe. Esaki ta vooral ora cu tin barconan crucero den waf di Oranjestad. Sr. mr. Andin Bikker, minister di Husticia, ta splica.
E mandatario a splica cu den e caso di adictonan ambulante, esaki tin dos dimension. Tin esunnan cu ta wordo yama “doubletrouble” cu ta esunnan cu tin problema psikiatrico. Conhuntamente cu su colega di Salubridad nan tin e autoridad pa ponenan bou di curatela y nan ta haci esaki practicamente tur siman. E di dos ta cu den e reorganisacion bou di e minister di Salubridad, el a bin cu’n dimension nobo, cu nan ta atendiendo debidamente, cabalmente cu e personanan aki. Los di e esey, tin un propuesta di ley cu nan a hereda di e gobierno anterior, pa loke ta trata orden publico cu ta cay bou di ministerio di husticia, ora y si e bin na vigor. Nan tin cierto consehonan di Raad van Advies, cu nan tin otro manera pa regla esaki. Di un manera of otro, nan tin bin cu cambionan den e APV (Algemene Politie Verordering), cu lo amplia e autoridad di Cuerpo Policial pa atende cu e personanan aki. Pero mester corda tambe cu nan tin un dimension cu mester di tratamento psikiatrico y nan mester di atencion pa loke ta e malesa di adiccion.
Na Corsou, den dia ora cu tin barco crucero, nan ta busca nan sacanan for di ciudad, y anochi ora cu tur cos ta liber, ta laganan bek ariba caya. Con ta bay haci esaki, mirando cu ta bay tin aumento den barconan crucero? E mandatario a splica cu diaranson mainta e lo ta biahando pa Corsou, pa reuni cu su colega di husticia, Sr. Quincy Girigorie, di cual un di e puntonan di agenda ta bay ta netamente di cual e sistema di adictonan ambulante ta funciona ayabou. No tin mester di inventa e wiel di nobo, y si ta ehecucion ta loke mester mehora, lo pone atencion ariba esaki.