Cuerpo Policial: Campaña di #AmigoDidi a duna bon resultado

0

Pa cuerpo di polis sigur den December caba a wak cu e campaña di #AmigoDidi a duna bon resultado y ta spera cu pa carnaval esaki lo sigui mes cos.
Vocero di polis, Lito Lacle, a splica cu for di December a join FADA y Fundacion Zinia cu e bunita proyecto aki y ta spera di por ta mas efectivo den esaki. E bureau di KPA yama Communicatie, Voorlichting en Preventie. Prevencion ta un di e tareanan di e departamento. Cu esaki, hunto cu FADA y Fundacion Zinia, lo bay logra esaki. Por bisa cu durante controlnan, manera cu Lacle a bisa den pasado, cu a cuminsa ripara cu hendenan ta uzando AmigoDidi. Esaki ta den beneficio no solamente di Cuerpo Policial, pero pa Pueblo di Aruba, cu por preveni cu accidentenan mas pio por pasa. Si wak e fin di siman di pasco y aña nobo, el a pasa relativamente keto. Danki na e campañanan aki cu ta hunga un rol den esaki, Lacle a splica.

LAGA UN REPLY