Awe, 16 di augustus nos ta recorda e di 81 aniversario di natalicio di un estadista Arubano cu fisicamente no t’ey mas cu nos, pero cu di un manera of otro e ta biba den nos pensamento: Sr. Edgar Joaquin (Watty) Vos
Dia16 di augustus 1975 despues di hopi lucha y contratiempo Watty a logra pa Aruba haya su propio scol di polis, cual porcierto desde 16 di augustus 2002 ta carga su nomber.
P’esey awe den su feliz memoria recordando su fecha natalicio nos ta celebra dia di polis.
Nos organisacion a mira progreso, innovacion moderno desde 1986. Nos a cana band’i nos comunidad pa 32 aña largo. Nos meta ta pa sigui duna nos pueblo e confiansa cu nan por depende ariba nos organisacion policial.
Brindando servicio, siguridad y integridad na un manera transparente y profesional. Nos organisacion di 600 homber y muhenan balente lo sigui lanta tur mainta pa mantene orden y siguridad di nos pais.