Cuerpo Policial a reparti 217 boet durante controlnan di trafico den fin di siman

0

Den fin di siman, riba 28 y 29 di October 2017, Cuerpo Policial a tene algun control den trafico, entre 6 or di atardi (28 October 2017) te cu 7 or y 30 di mainta (29 October 2017).

E control a wordo haci door di e unidad motorisa, division di Recherche Distrito 2 como tambe Strandpolitie. E controlnan aki a wordo teni na e siguiente luganan

* Tanki Leendert dilanti “ Wendy’s”
* Tanki Leendert dilanti “ OK supermarket
* Tanki Flip dilanti “ Maduro Travel”
* Sasakiweg na altura di e lusnan di trafico na Palm Beach
* Riba Irausquin Boulevard na altura di e establecimento “ 297”
* Irausquin Boulevard na altura di e establecimento “ Gusto”
* “ Lekker Bar & Restaurant” na Palm Beach
* E club nocturno “ Oude Molen” riba Irausquin Boulevard.

Produccion
A controla un total di 264 vehiculo y a reparti un total di 135 proces – verbaal. Tambe un total di 7 proces-verbaal a wordo parti relaciona cu violacion di Articulo 5A LWV (core auto bou di influencia) y 2 pv a wordo duna pa Openlijke Geweldpleging (maltrato den grupo). Un total di 17 auto a wordo getackle hiba warda di polis na Shaba, caminda cu nan lo keda temporalente, en espera di nan doño pa bin paga e gastonan relaciona cu esaki.

Control San Nicolas
Riba diasabra 28 di october 2017, Cuerpo Policial a tene un control den trafico. A para riba 100 auto, y a 82 proces – verbaal a wordo reparti y 4 auto a wordo hiba pa warda di polis, como medida preventivo. E proces verbaalnan a wordo duna pa motibo cu papelnan di e auto no tabata na ordo. Un chauffeur a wordo deteni pa violacion di artikel 5-A di e Landsverordering Weg Verkeer.

E controlnan a wordo teni na altura di La Granja y SETAR N.V. den Van Slobbestraat.