Ultimo tempo e departamento di prevencion di Cuerpo di Bombero Aruba ta teniendo nan controlnan reguroso riba edificionan cu no ta cumpli cu rekesitonan. E.o ta e porta di emergencia di salida, ta un porta cu ariba di dje tin un luz di indicacion EXIT esaki ta pa cualkier cos cu pasa coriente bay, of un candela unda hendenan tin cu evacua lo mas pronto ta e porta di emergencia.
E porta di emergencia di salida no mag di keda blokia pa ningun obhecto esaki ta contra ley. Na Super Food e oficialnan di Bombero na mas cu un ocasion a topa cu un reki grandi di webo cu kier pone na e porta aki strobando e porta y a pidinan pa kite pero ta mustra cu nan ta pone bek. Siman a habri a bay haci control haya e reki atrobe y a pidi asistencia di Polis pa asina papia debidamente cu e propetario y Cuerpo di Bombero sigur lo traha nan rapport contra di e negoshi unda ta blokia porta di emergencia di salida na mas cu un ocasion y no ta scucha di autoridad.