Den siman Cuerpo di Bombero a bay yuda Santa Rosa cu nan truck grandi pa yega Ariba na e molina di biento na Sabana Liber. Esaki ta ora cu e director di Santa Rosa a tuma nota for di su personalnan y bisiña cu a yama raporta cu e molina di biento na Sabana Liber ta den mal condicion.
Personal di Santa Rosa a bay tira un bista y constat cu di berdad e molina ta completamente frustia y a pone e tanki di awa for di servicio. Asina personal di bombero a presenta y yuda e personal di Santa Rosa yega Ariba y asina kita e molina di biento aki completo pa no cay y causa desgracia.
Ta un proyecto di Santa Rosa cu lo bay drecha e molina aki completo pa bay bek den servicio. Santa Rosa ta gradici Cuerpo di Bombero pa nan bon cooperacion unda na varios ocasion a yuda santa rosa pa baha den pos y na mas luga, y den transcurso di lunanan lo bay controla e nivelnan di e pos.