sharinadoun
Dia 16 di januari gobierno a informa Cuerpo di Aduana encuanto e 3 hefenan nobo cu lo bay maneha di awor padilanti. Presidente di Sindicato SADA Sharina Hernandes a splica cu nan ta hopi satisfecho cu e cambionan ya cu esaki ta algo cu nan tabatin anjanan ta boga p’e. Pronto lo cuminsa implemente ASYCUDA y tambe lo bai tin diferente departamento independiente di SIAD.

Awoki mester bai enfoca mas riba e servicio pa e cliente y mas eficiencia y union. Awor tin 3 hefe nobo: Nico Quandus kende ta e ad interim directeur pa 6 luna, despues ta Corine Cabenda y Stephen Maduro. Tur 3 tin amplio experiencia den e ramo di aduana. E cambionan aki ta nifica cu Aduana mester bai reparti tur e trabounan bou di cada directuer. E proceso aki ya a cuminsa caba y den transcurso di e simannan aki e empleadonan lo tende mas. Tambe e presupuesto mester algun cambio y esaki lo cay bou di maneho di Stephen Maduro.

E cambio completo no lo ta di awe pa mayan pero si den par di luna lo bay cuminsa wak poco poco e cambionan. Presidente di SADA sra Hernandes ta splica cu pa 2016 lo por keda cla cu e cambionan interno pa e trahadornan. Tambe tin cambio di uniform den planning y ta spera cu pa fin di anja lo tin algun cos cla caba. E programa di ASYCUDA tin prioridad y e siman aki expertonan den e software aki lo ta na Aruba pa asina duna training. Mei mei anja lo cuminsa cu epilot project y pa fin di anja lo cuminsa cu e opstarting den un sectie pa wak con e ta bai y pa despues implement’e completamente. ta depende di e aduaneronan mes con liher henter e proceso aki lo bai.