HAVANA, Cuba- E prome vice presidente di Cuba, Miguel Diaz-Canel, diaranson a wordo presenta dor di e Asamblea Nacional di Poder Popular di e isla pa ocupa e presidencia reemplasando Raul Castro. E ultimo aki, lo bandona e cargo despues di dos mandato.
Diaz-Canel ta lidera e proposicion di e Comision di Candidatura Nacional pa e conformacion di e maximo organo di gobierno di e pais, e Conseho di Estado. E candidatura awo lo wordo someti na votacion di e recien constitui Asamblea. E resultado lo no ta publico te cu diahuebs, segun e agencia EFE.
E Asamblea tambe lo vota pa eligi cinco vicepresidente nobo, un secretario y 23 otro miembro di e Conseho di Estado.
Fuente: http://www.ntn24.com