Por lo menos cuater polis a muri dialuna, y otro dos a resulta herida pa un explosion den e ciudad di Diyarbakir, na Zuid-Oost di Turkia. E atentado ta wordo atribui na e Partido di Trahadonan di Kurdistan (PKK). E explosion a tuma luga pa 1 or y mei di atardi, ora di Turkia na momento cu un auto policial tabata cerca di un sitio di construccion riba e campus universitario di e facultad di Veterinario.
Un explosivo aparentemente poni y activa door di PKK a explosa causando cu e auto a bolter, matando cuater polis. Esaki ta un tactico clasico di e guerilla Kurdo.
Desde cu gobierno y e guerrilla a kibra nan tregua di dos aña na 2015, e enfrentamentonan arma entre forsanan di siguridad y militantenan Kurdo ta casi riba un base diario den varios docena di provincia na zuid-oost di Turkia.
Fuente: NTN 24