OHIO, Merca- Autoridadnan na Toledo, Ohio, a acusa cuater mucha homber di asesinato despues di cu un saco di santo cu, presuntamente lo a wordo tira for di e parti halto di un autopista interestatal cu a mata un pasahero den un auto.
Autoridadnan a bisa cu e tres hobennan di 14 aña y un mucha homber di 13 aña a tira saco di santo y otro obhetonan riba e caminda pa e zuid di e Interestatal 75 dia 19 di December.
Un di e saconan a dal contra di e bentana di un auto cu tabata biahando bou di e interestatal, golpia e pasahero Marquise Byrd den cabez.
Byrd, un hoben di 22 aña di Warren, Michigan, a muri mas laat.
E hobennan, cu no a wordo identifca ya cu nan ta menor di edad, diaranson a wordo procesa pa cargonan di asesinato y vandalismo vehicular. E cuater muchanan a nenga tur e cargonan den su contra, segun Lori Olender, subdirectora di e division di menor di e Oficina di Fiscal di e condado di Lucas.
Olender a bisa cu un di dos auto a sufri dañonan den e incidente, pa cual cada uno ta enfrenta dos cargonan di vandalismo vehicular. Niun hende a resulta herida den e di dos auto, segun el a bisa.
No ta prome biaha cu e adolescentenan ta wordo acusa di asesinato den un caso similar. Na October, un hues di Michigan a nenga e fiansa di cinco adolescente acusa di tira un piedra di casi 3 kilo desde un parti halto di un caretera cerca di Flint, matando Kenneth White, Jr., di 32 aña.
E adolescentenan ta enfrenta cargonan di asesinato den un di dos grado y otro cargonan pa delitonan grave y por bay cera pa resto di nan bida. Nan a declara nan mes inocente.
Fuente: http://cnnespanol.cnn.com