NEW YORK CITY, New York – Si boso tin boso man y dedenan stijf y nan ta haci dolor, bo no ta e unico. Un estudio nobo ta informa cu 40 porciento di persona lo wordo afecta pa artritis por lo menos den un man.
E tasa observa den e investigacion nobo “ta un poco abao di e porcentahe di osteoartritis observa den e rudianan y ta significativamente mas halto cu loke a wordo observa den e heup,” dr. Daniel Polatsch, codirector di e Centro di Man y Pols di New York den e hospital Lenox Hill, den e ciudad di New York, a comenta.
E artristis ta afecta cu forsa y funcionamento di e man y ta provoca dificultadnan pa haci actividadnan di e bida cotidiano,” Polatsch a bisa.
E ekipo di estudio a wordo dirigi pa Jin Qin di e programa di Artritis di e Centronan pa Control y Prevencion di Enfermedad (CDC) di Merca. E investigadornan a observa e datonan di 1999-2010 riba mas di 2200 persona di North Carolina. Tur persona di e estudio tabata tin 45 aña of mas.
E informacion acumula a inclui e sintomanan cu e participantenan a reporta, ademas di radiografianan di man.
E muhenan tabata tin un riesgo mas halto cu e hombernan, ya cu casi mita di e muhenan (47 porciento) a desaroya artritis na man. Solamente aproximadamente un cuarta parti di e hombernan tabata tinartritis na man, e ekipo di Qin a bisa. E personanan color cla tabata mas propenso na tin e problema aki cu esnan di color, cu un tasa di 41 porciento y e 29 porciento, respectivamente.
E exceso di peso tambe ta un factor di riesgo pa e artritis na man. E riesgo pa resto di e bida di e personanan obeso tabata di 47 porciento, compara cu 36 porciento pa personanan no obeso, e estudio a haya.
Dr. Steven Carsons, hefe di reumatologia den e Hospital di Winthrop di NYU, na Mineola, New York, el a bisa cu e hayasgo cu e artritis den man ta mas habitual den muhenan “a considera for di hopi tempo cu cu ta debe na rasonnan genetico y hormonal.” E vinculo cu obesidad ta mas intigrante, Crasons a bisa.
“Aunke semper a asumi cu obesidad ta un factor di riesgo di osteoartritis den articulacionnan cu ta soporta peso, manera rudia, e datonan ta revela den cierto modo e sorprendente asociacion di obesidad cu e riesgo di pa semper desaroya osteoartritis den man,” el a bisa.
Estudionan reciente a sugeri cu obesidad por provoca un “inflamacion sistemico” den e curpa, Carsons a bisa, loke por aumenta e probabilidadnan di artritis den un articulacion cu no ta soporta peso, manera man.
Mirando cu artritis den man por provoca e discapacidad, Polatsch a bisa, “ta debe na mehora e opcionnan di tratamento y e acceso na specialistanan di man pa minimalisa e impacto di e afeccion aki cu por resulta den un discapacidad den nos poblacion cu ta embehece.”
E estudio ta aparece den e edicion dia 4 di Mei di e revista Artrhritis & Rheumatology.
Fuente: Health Day