E Organisacion Mundial di Salud (WHO) tabata hopi cla den su ultimo comunicado: nos mester redci sucu na seis telep diario. Ta trata di algo hopi facil ora cu nos ta papia di e cantidad cu nos ta pone den koffie of un cos dushi, pero ta algo hopi dificil si nos mester tene na cuenta loke ta “scondi” den alimento.
E ultimo recomendacionnan di e Sociedad Spaño di Nutricuion Comunitario (SENC), ta conseha consumi menos di 10% di e calorica total. WHO ta comparti e recomendacion aki y ta añadi cu si esaki tabata menos cu 5%, lo produci beneficionan adicional pa salud. Es decir, un persona cu consumi 2000 kcal pa dia, ta supone di no supera nucna 50g y, idealmente, menos di 25g pa dia.
E informe cu Ministerio di Agricultura y Pesca, Alimentacion y medio Ambiente ta realisa, ta indica cu e cantidad di sucu comun ta di 10.6g pa persona y dia. Na principio, nos no mester alarma pasobra “observando solamente e dato aki, nos por pensa cu nos ta haya nos mes dentro di e normalidad, pero mester ta conciente cu e estudio aki no ta tene na cuenta loke ta presente den cuminda mes,” e nutricionista Virginia Santesteban, specialista di e Departamento di Endocrinologia y Nutricion di e Clinica Universidad di Navarra y tecnico di e Centro di Investigacion Biomedico riba e Red di Fisiopatologia di Obesidad y Nutricion, Ciberobn, ta sigura.
Den e ultimo añanan, a ricibi informacion constante riba e perhuicionan cu e ta carga, loke a provoca un descenso di e consumo familiar di sucu comun, pero no di productonan procesa of bebidanan cu tambe tin aden, cu ta igualmente perhudicial pa salud y cu nos ta incluyendo den dieet constantemente. Pasteleria, refresco, batata of snacks a wordo incorpora den nos dieetnan diario. “Un ehempel hopi cla cu nos sa wak den e consulta ta di personanan cu a substitui sucu pa honing, pensando cu esaki ta mas saludabel, ora cu e alimento aki ta contene fructose, igualmente calorico y cu un efecto perhudicial riba salud si e wordo consumi den exceso, similar na sucu,” el a sigura.
Lo mas evidente por ta refresco, bals, jam, bolo of cuki. Pero tin otronan cu ta contene un cantidad nada despreciabel di e substancia aki y cu nos no tin’e asina interiorisa: buscuchi salo, corn flakes, juicenan comercial, snacks, saucenan manera ketchup, algun pan di molde of tipo hot-dog.”
E consumo excesivo ta hiba un dieet hipercalorico, pa loke e principal consecuencia evidente ta e ganamento di peso y cu esey, e mayor riesgo di padece obesidad. Segun ultimo datonan ofreci pa e Sociedad Spaño pa e Estudio di Obesidad, rond di 60% di e poblacion Spaño tin problema cu peso, es decir, di cada dies persona, cuater tin sobrepeso y dos ta padece di obesidad.
Fuente: CNN en Español