Pa comisario di polis, e acuerdo cu tin awor pa tin un plataforma di husticia, por bisa cu esaki lo bay yuda masha hopi mes, pa den un forma hopi profesional combati criminaldad.
Segun comisario di polis, Dolfi Richardson, e ta hopi gradicidi cu por fin a logra di pone un plataforma institui y cu por cuminsa opera.
E intencion ta pa expande depende e tema, caminda cu lo acerca e demas departamentonan pa comparti informacion pa yega na caminda cu e fiscal mayor a yama “informatie producten”. Esey ta e intencion cu lo expande a base di e tema cu ta bezig ta investiga y dependiendo cua instancia tin e informacion necesario, lo acerca e respectivo departamentonan pa informacion.
Richardson a sigui splica, kico ta importante ta e intencion. Ekipo ta algo relativamente facil pasobra ta netwerk bo mester y ta asina cu cada instancia tin nan infrastructura caba. Esaki ta gewoon pa trece e diferente departamentonan hunto den un solo luga pa asina e interaccion por bira mas intenso. E infrastructura tey. Cada departamento tin nan infrastructura, locual ta trata organisacion y pesey ta un punto menos di importancia.
E plataforma ta consisti di instancianan local, pero tin relacion cu organisacionnan internacional y semper lo keda haci uzo di esey tambe, segun comisario Richardson.