Cruz Cora ta activo durante operacion Matthew. Segun sr. Gomez di Cruz Cora, si mester yega asina leu, Cruz Cora ta den pleno preparacion pa e Disaster Team.
Nan ta wordo informa constantemente informa di e situacion. Tambe sr. Gomez a splica cu Cruz Cora semper tur ayudo ta welcome, pero e ta bay coordina. E momentonan aki ta wak ken ta sali, con e ta wordo coordina. Esnan cu kier bira voluntario, acudi na Cruz Cora. Un man mas ta yuda hopi.
Tur ayudo ta bon bini. No solamente hende homber, pero e hende muhe tambe tin forsa pa yuda den tipo di casonan asina. Tur hende ta welcome cu por yuda, cu tin gana di yuda, gana ta traha ta welcome. Na momento cu bo yuda caba, bo no mester yega Cruz Cora. Si awasero cu ta yobe cu cuminsa flood, si bo bisiña ta malo, bo sa cu tin pashent na cama, tin hende cu problema visual, bay tira un bista. Sea mas humanitario. Wak pa bo bisiña. Si rooinan cuminsa core, hopi hende no por yega cierto luganan. Cuminsa ta mas social y yuda bo bisiña. Tambe ta yuda Cruz Cora di e manera ey, segun Gomez. Pa mas informacion con pa bira boluntario, por tuma contacto cu Cruz Cora na 5821219.