ALEPO, Siria – E Comite Internacional di Cruz Cora (CICR) a confirma diahuebs e comienso di e evacuacion di enfermo y heridonan di e barionan asedia oost di e ciudad Siria di Alepo.
Den un tweet di CICR a señala cu “e operacion pa evacua oost di Alepo di mas of menos 200 herido, algun grave, ta “en marcha” y a agrega cu ta riba e tereno cu e Mita Luna Cora Sirio (cual ta un otro organisacion humanitario)
Ambulance y busnan cu enfermo y herido, mescos cu personanan cu tabata den e barionan situa oost di Alepo, a cuminsa sali di e zona via e coredor di Al Ramusa-Ameriya, zuid di e urbanisacion, segun e Observatorio Sirio di Derechonan Humano.
Na e mesun momento, forsanan gubernamental Sirio a drenta cu excavador den e districtronan asedia pa kita saconan di santo y despeha e area.
Segun television oficial Sirio, ta sera cu mas of menos un 4000 combatiente cu nan famia y 9000 civil bandona oost di Alepo.
E cadena Sirio a indica cu minuutnan despues di e entrada di e ambulancenan, e autobusnan cu tabata transporta civil y combatientenan a dirigi na e districtonan asedia oost desde Al Ramusa.
Riba e tereno ta desplega un centenar di boluntario y trahado di e Comite Internacional di Cruz Cora y Mita Luna Cora Sirio, cu diez ambulance pa facilita e evacuacion di enfermo y heridonan.
A destaca cu “e partinan a pidi CICR y Mita luna Cora pa nan facilita e evacuacion di e heridonan oost di Alepo.”
Television Sirio a agrega cu tambe tin presencia di representantenan di Nacionnan Uni pa supervisa henter e operacion.
Fuente: El Colombiano