MADRID, Spaña – E futbolista di Real Madrid, Cristiano Ronaldo, lo bay declara den calidad di investigado pa 11’or di mainta, dia 31 di Juli, dilanti di e Huzgado di Instruccion Decano di Pozuelo de Alarcon, pa cuater delito contra e Hacienda Publica, cometi entre e añanan 2011 y 2014 y cu lo supone supuestamente di un fraude tributario di 14,7 miyon di Euro, fuentenan cerca di e huzgado a informa Europa Press.
Concretamente, Ronaldo lo a stop di paga e arcanan publico Spaño casi 1,4 miyon di Euro na 2011, 1,66 miyon na 2012, 3,2 na 2013 y 8,5 miyon di Euro na 2014, segun ministerio fiscal a denuncia.
Manera cu “El Confidencial” a delanta, ‘Ronaldo mester acudi dia 31 di Juli proximo na corte di e municipio Madrileño aki, compaña pa su abogado. E lo presenta den calidad di investigado pa un presunto delito contra di Hacienda Publica, ante e posibel existencia di un infraccion penal premira y pena den e articulonan 305 y 305 bis di e Codico Penal, segun TSJM a detayam.
Fiscalia ta subraya cu e denunciado a probecha di un structura societario crea na 2010 pa sconde e fisco di rentanan genera na Spaña pa e derechonan di imagen algo cu ta supone un incumplimento “boluntario” y “conciente” di su obligacionnan fiscal na Spaña.
E denuncia, cu ta basa riba e informe remiti na Fiscalia pa e Agencia Estatal di Administracion Tributario (AEAT), ta corda cu na 2008 e futbolista a confia su agente un poder pa firma un contrato di trabao cu Real Madrid entre e temporadanan 2009/2010 y 2014/2015 y cu el a wordo rubrica pa ambos parti dia 21 di Juni di 2009. A rais di e contrato di trabao aki, Ronaldo a traslada un luna mas laat su residencia pa Spaña cu loke e lo adkiri e condicion di residente fiscal den e pais desde dia 1 di Januari 2010.
Fuente: http://www.lne.es