LISBOA, Portugal- Manera ya caba a sosode cu Lionel Messi y Neymar, e protagonista mas nobo di e poster presuntamente difundi pa e grupo terorista ta e Portugues Ronaldo. Tambe tabata tin un advertencia contra di e Spaño Marco Asensio.
ISIS ta reitera su menasanan contra di e organisacion di Mundial di Rusia 2018. E biaha aki, e blanco di nan advertencianan violento tabata e Portugues Cristiano Ronaldo, cu ta aparece como protagonista di un poster presutamente difundi pa e grupo terorista ariba rednan social.
“Nos palabranan ta loke bo ta wak, no loke bo ta scucha. Awel, solamente spera. Nos tambe ta sperando”, ta e frase cu ta compaña e imagen violento di e futbolista di Real Madrid, cu lo hunga na Rusia representando e seleccion di Portugal.
CR7 riba e poster ta na rudia, cu su mannan patras y un wowo blauw. Su tras ta haya un burdugu di e e grupo terorista para, cu un cuchiu den man.
Un biaha mas, e website di notica Site Intel Group tabata esun encarga di difundi e intimidacionnan publica pa Wafa Media Foundation, un organisacion cu ta fungi di vocero di Estado Islamico (ISIS na Ingles).
Oranan despues a aparece tambe otro poster, cu e biaha aki tabata concentra ariba e figura di e futbolista Spaño Marco Asensio. Marco Asensio.
Fuente: