MONTECARLO, Monaco – Cristiano Ronaldo a wordo vota como e miho futbolista di Europa di e temporada 2015-2016, superando su compañero di Real Madrid, Gareth Bale y e hungado di Atletico de Madrid, Antoine Griezmann.
“Nos ta hopi feliz pasobra dos hungado di Real tabata entre e mihonan di Europa,” e presidente di e club Spaño, Florentino Perez, a bisa.
Ronaldo, cu a logra e premio pa di dos biaha, a marca 51 gol den 48 partido den tur e competencianan pa Real, cu el a gana e Liga di Campeonnan y a keda na di dos luga den e liga Spaño tras di Barcelona.
UEFA a entrega e trofeo despues di e sorteo pa e etapa di grupo di e Liga di Campeon realisa diahuebs na Monaco.
E delantero Portugues tambe tabata tin un papel clave pa su pais wordo corona campeon di Eurocup di e aña aki.
“Ta un gran honor despues di un temporada increibel,” e futbolista, segun e pagina web di Real (www.realmadrid.com).
Ronaldo a laga e Argentino Lionel Messi na caminda, vota como e miho futbolista di Europa na 2015 y na 2011 y na e Uruguayo Luis Suarez, delanteronan di Barcelona cu a figura den e preseleccion di Juli.