Cristiano Ronaldo acusa di evadi impuesto Spaño

0

LISBOA, Portugal- Cristiano Ronaldo, e astro di Real Madrid y di Portugal, a wordo acusa di a evadi impuesto cu 14.7 miyon Euro (16.4 miyon dollar) entre 20-11 y 2014.
Den un comunicado, e Departamento di Madrid a indica cu Ronald, cuater biaha ganado di e Balon di Oro, a uza un “structura societaria”, crea na 2010, pa sconde su ingresonan genera pa su derechonan di imagen na La Hacienda, cu ta describi e falta di cumplimente como “voluntario” y “consciente”.
Gestifute, agencia cu tabata representa e futbolista Portugues, a bisa den un comunicado publica ariba su pagina web cu ta trata aki di un asunto financiero complica.
“Abogadonan di Cristiano ta considera cu independientemente di cual sea e solucion di e caso aki, como tambe su consecuencianan, esakinan mester wordo limita na e campo adminsitrativo na luga di e campo criminal”. No tabata tin niun intento di evadi impuesto, segun Gestifute.
Na 2016, e astro Argentino di Barcelona, Lionel Messi, cu durante e ultimo decada a competi cu Ronaldo pa e titulo di miho futbolista di mundo, a ricibi un boet di 2.3 miyon Euro a pa evadi impuesto Spaño.
E Argentino, di 29 aña a ricibi tambe un sentencia di 21 luna cera, pero el a evita prizon, pa motibo cu e condena tabata menos di dos aña y tambe door cu e no tin antecendente penal.
Segun Forbes, Ronaldo a gana 93 miyon den e ultimo 12 lunanan, cu 58 miyon di salario y 35 contrato di sponsornan.

Fuente: www.cnnenespanol.com

LEAVE A REPLY

Please enter your comment!
Please enter your name here