Madrid, SPAÑA- Cristiano Ronaldo un biaha mas ta luci y, cu un gol polemico den extra tempo, e ta logra saca Real Madrid, como por arte de magia, for di e dilema unda nan tabata hinca pa asina pasa pa semi- final contra di Bayern Munich. E ekipo Aleman a dispidi di e torneo, unda cu nan por ta orguyoso y honra den e stadion Santiago Bernabeu.
E delantero Portugues un biaha mas ta decisivo. Prome el a score e prome gol cu un cabesaso y den extra tempo el a evita cu e partido lo a yega penalty, anotando e di dos y e di tres gol, pa asina e partido caba 3-2 pa Real Madrid.
Esaki ta di shete biaha consecutivo cu Real Madrid ta pasa pa e semi – final y asina tambe ta caba cu e soño di un ekipo Bavario cu a rindi honor na su historia glorioso y cu tabata na merced di e ekipo dirigi pa e Frances Zinedine Zidane durante full e encuentro, te ora cu Arturo Vidal a wordo expulsa faltando shete minuut pa e wega caba.