E homber Michael Teddy Gibson di 29 aña cu lo ta envolvid en asesinato Jaburibari y cu ta ser busca pa husticia na Toronto relaciona cu asesinato cu el a comete ta deteni na Aruba. Con autoridad a logra deteni despues cu nan tabata den un kia sportage Vcar a pasa luz cora tur cu tin dilanti Polis y no kier a para pa Polis. Aki a start un persecucion unda ariba caminda di Bubali pasaheronan den e auto a benta basta placa for di bentana. A resulta cu ta basta 100 $ nan a benta pafo riba caminda pa Polis no garanan. Te unda cu e auto a bolter na Hato.
Fam Falso:
E lo bira un caso largo awo debi cu e homber Michael Teddy Gibson 29 aña no a drenta Aruba ningun momento cu paspoort bou di su nomber berdadero, el a drenta cu otro fam den su paspoort cu numbernan y te asta paspoort traha cu e fam poni Pears, te asta su nombernan el a cambia, y como nacionalidad ta poni Guyanes, haciendo cu ta na Guyana el a nace.
Esaki ta demostra cu paspoort falso el a drenta Aruba na 2016 sconde pa su identidad original poniendo cu claro na Aruba nan no por a gare na Airport. Awor e caso aki lo yega asina leu unda Interpol tambe lo cay den wega pa loke ta e identidad falso cu e persona aki a drenta cune nos isla. No por descarta cu elo por ta meti den mas crimen ultimo tempo haci cu e amistadnan cu e ta cana cune, investigacion tin cu determina, y ta spera cu Ministerio Publico na final di e caso por splica den prensa y pa comunidad sa den ki tur e sospechoso of sospechosonan aki lo tabata meti na Aruba y haciendo kico.