Crimen pasional ta cobra bida di un mama y su yiu

0

HAREN, Hulanda- Un mama y su yiu a wordo haya morto den nan cas na Haren, provincia di Groningen. Ta trata aki di un caso di asesinato. Autoridadnan ta sospecha cu ta trata di un crimen pasional. Den e cas polisnan a bin haya otro yiu di e dama asesina, den e cas na Jufferpad, ileso. Polisnan a detene un sospecho na e cas mes y ta investigando su relacion cu e yiunan.
Tanto e sospechoso, como e victimanan ta procedente di Eritrea y nan tabata tin un permiso temporal. E sospechoso , segun parce, no ta tata di e victima, un mucha muhe di 6 aña. Segun bisiñanan, e cas semper tabata tin problema y tabata tende gritonan ta sali for di eynan. Pero ta un lastima cu un criatura ta resulta victima.
Jufferpad ta situa den e bario multicultural Oosterhaar. Varios ta e bisiñanan cu a declara cu e señora tabata un persona hopi cera y no tabata asocia su mes cu e bisiñanan.

Debi na investigacionnan tumando luga y cu polisnan ta buscando pruebanan, varios ta e bisiñanan directo cu no por drenta nan cas. Pa cu esaki gemeente Haren a zorg pa tin un opvang pa nan y cu nan por haya ayudo di slachtofferhulp.

Fuente: https://www.telegraaf.nl