BORKEL EN SCHAFT, Hulanda- Un caso tragico a tuma luga den un restaurant di pannekoek den e ciudad Borkel en Schaft, situa na Brabant. Diasabra ultimo, un mucha muhe di un aña y mei ta choka cu un pida pannekoek. Apesar di tur esfuerzo pa reanima e criatura, esaki no a duna resultado. Ora cu e mucha a pega, el a keda demasiado tempo sin oxigeno.
“Nos a haci tur lo posibel, pero no a logra”, segun un trahado di e negoshi aki. “Ta un tragedia cu esaki mester a psa. Nos mas sentido pesame na e famia di e criatura”.
E personal di e restaurant a keda hopi spanta. “Pa esunnan cu tabata presente na momento di e sucedido, a keda hopi spanta y ta hayando e ayudo necesario”, segun un trahado di e restaurant.
Doño di e restaurant a califica e caso aki di uno di mala suerte, pero cu e pannenkoek tabata tin algo malo cun’e.
Despues di e morto di e mucha, e restaurant no tabata tin contact mas cu e mayornan di e criatura, pero ta keda habri pa e mayornan si nan kier busca contacto.
Fuente: www.rtlnieuws.com