WASHINGTON, Merca – Dunadonan di trabao Mericano probablemente a aumenta e contratacionnan y a eleva salario di e trahadonan na Juni, señal di fortalesa di e mercado laboral cu por keda mantene e Reserva Federal den curso pa un di tercer subida di e tasanan di interes e aña aki.
Segun un sondeo di Reuters na economistanan,e rapport di empleo di e Departamento di Trabao probablemente lo revela diabierna cu e nominanan no agricola aumenta 179 mil cupo di trabao luna pasa, despues di a gana 138 mil empleo na Mei. E tasa di desempleo lo a mantene su mes stabil den e ultimo 16 añanan di un 4.3 porciento. Desempleo a reduci un cinco decima di punto porcentual e aña akiy ta coincidi cu e pronostico promedio mas reciente di Fed pa 2017.
Economistanan ta bisa cu e solides di e mercado laboral porta por a hiba e banco central Mericano na anuncia plannan pa cuminsa reduci su cartera di 4,2 biyon di dollar den bono di Tesoro y titulonan respalda pa hipoteca na September.
“E reporte di trabao di Juni por ofrece evidencia suficiente na funcionarionan di Fed cu ainda ta den condicionnan di sigui cu nan plan di normalisacion di e politica monetario den e di dos mita di e aña,” Sam Bullard, economista senior di Wells Fargo na Charlotte, North Carolina a bisa.
Fed a eleva su tasa di interes na un dia na Juni pa di dos biaha e aña aki. Pero cu e inflacion bao di e meta di un 2 porciento di e banco centrla na Mei, economista ta spera un otro alsa di e tasa solamente na December.
Ganashinan premira di trabao di Juni lo ta cerca di e promedio mensual di 186 mil den 2016 y lo reforsa e opinion cu e economia a recupera e impulso den e di dos trimester despues di un desempeño debil na comienso di e aña.
Sin embargo, e ritmo di crecemento di mercado laboral por a desacelera na medida cu e pleno empleo ta acerca. Tin evidencia creciente di e copanianan ta teniendo dificultad pa haya trahadonan cualifica.
Fuente: www.reuters.com