WASHINGTON D.C., Merca – E crecemento di empleo na Merca probablemente a recupera na April y e salarionan a aumenta, loke cu ta indica un ahuste nobo den e condicionnan di mercado laboral cu por haci cu Reserva Federal ta subi e tasanan di interes otro luna.
E nominanan no agriculo probablemente a aumenta den 185 mil cupo di trabao luna pasa, segun un sondeo di Reuters di economistanan, tras un ganashi leve di 98 mil na Maart. Departamento di Trabao a duna di conoce su reporte di empleo mensual pa 8’or y mey di mainta di diabierna.
Un aumento di empleo online cu e expectativanan lo respalda e afirmacion di Fed cu e ritmo di crecemento economico anualisa di un 0.7 porciento den e prome trimester, tabata “transitorio” y su optimismo cu e actividad economico lo expande di manera modera.
“E mercado laboral ta sigui keda ahusta, den promedio cu nos por a mira un aceleracion di e inflacion den e ultimo aña,” Ray Stone, economista di Stone & McCarthy Research Associates na Princeton, New Jersey, a bisa. “Desde e perspectiva di Fed, probablemente lo tin un ahuste di e politica na Juni y probablemente otro biaha den curso di e aña,” el a agrega.
E Reserva Federal a mantene diaranson su tasa di interes di referencia sin cambio y a bisa cu ta spera cu e condicionnan di e mercado laboral “lo fortalece mas den futuro.”
E banco central Mericano a eleva na Maart su tasa di interes den un cuarto punto porcentual y a premira dos aumento mas e aña aki.
E ingresonan pa ora promedio probablemente a subi un 0.3 porciento luna pasa. Si ta bon esaki lo mantene e aumento interanual di 2.7 porciento, tin indicio cu e crecemento di e salarionan ta acelerando a medida cu e inactividad di mercado laboral disminui.
Un reporte di e Gobierno a mustra siman pasa cu e salarionan di sector priva, a registra den e prome trimester su mayor aumento den 10 aña.
Fuente: Reuters