Diabierna 17 y diasabra 18 di Maart, Cosecha tambe ta den pleno celebracion. Dia 17 di maart ta bay tin e inauguracion di Plasa Padu na unda Cosecha Oranjestad ta situa y specialmente pa e celebracion aki ta bay tin hopi artesano presente cu nan productonan traha na Aruba desde 6 pm te cu 10 pm.
Dia 18 di Maart Cosecha Oranjestad y Cosecha San Nicolas ta bay ta habri di 12pm te cu 4pm. Asina tambe por duna oportunidad na nos localnan pa bishita e tiendanan aki cu ta sostene nos artesano/artistanan local. Productonan cu por encontra e dia aki ta por ehempel cuadranan, productonan traha di glas, koper, klei y mucho mas. Asina aki por reconoce e productonan traha local y por distingui e productonan aki di e producto nan importa.
Ademas cu Cosecha ta habri ta bay tin un “live demonstration” na San Nicolas cu Jenny Kock. Jenny Kock ta pinta temanan di Aruba cu krijt y ta hasie cu hopi amor. Esaki ta bay ta despues di hopi aña cu Jenny ta pinta bek dilanti publico y Cosecha San Nicolas ta e luga perfecto pa esaki paso nan tin un workshop area espacioso.
Na Oranjestad ta bay tin e famoso Hendrik Schouten cu tambe ta pintando “live”. Hendrik ta conoci pa su pinturanan di Aruba manera e mata di fofoti pero tambe e ta traha hopi cukoper, amonia platina, enamel y zilver. Bishita e Facebook page di Cosecha:www.facebook.com/Aruba-Cosecha of pasa cerca nan dia 17 of 18 di Maart, e empleadonan ta cla pa yudado y contabo un tiki mas di cada producto.