Diamars dia 23 di Mei cuminsando di 7 pm pa 9 pm Cosecha San Nicolas conhuntamente cu Develop to Grow ta organisando un workshop creativo den nan Creative Center. E workshop aki lo ta algo diferente door cu lo duna un presentacion tocante coneccion den famia y participantenan lo siña pa traha un “Job board” creativo pa juda crea responsabilidad serca muchanan basa riba metodo di Conscious Discipline. E workshop aki ta pa mayornan, “care takers” y docentenan di scol y ta costa 35,00 florin pa participante.
Inscripcion ta tuma lugar na Cosecha San Nicolas, Cosecha Oranjestad y na Develop to Grow. Pa mas informacion por tuma contact cu Cosecha San Nicolas na telefoon 5878708, Cosecha Oranjestad na telefoon 5878709 of na [email protected].
Bishita e Facebook page di Cosecha: www.facebook.com/Aruba-Cosecha of bishita un di e localidadnan, e empleadonan ta cla pa yuda y conta bo un tiki mas di cada producto of un workshop.