Corte a condena awe e sospechoso Rafael D., na un castigo di prizon di 42 luna. Corte a proba un intento di violacion y e delito di ontucht cu un mucha muhe di 15 aña.
E sospechoso ta un conoci di e victima. E victima a wordo salba net na tempo door di polis for di man di e sospechoso, kende tabata purbando e momento ey pa viola e victima. E sospechoso, despues cu polis a yega na e auto, ainda cu e victima el a huy den e auto, pero asina mes a logra detene. Corte a evalua cu e momentonan ey mester tabata di suma angustia pa e victima. E hecho aki a hiba na un intrankilidad publico grandi. E sospechoso anteriormente, tempo cu e victima apenas tabata tin 13 aña, tambe a haci su mes culpabel di a comete actonan inmoral cu e hobencita aki. E sospechoso, a haci mal uzo di e confiansa cu e victima tabata tin den dje y a maluza di e hecho cu e como adulto, a haci un violacion riba su integridad corporal. E victima a haya su mes, mirando su edad, ambos biaha den un posicion hopi vulnerabel.
E delitonanna aki ta pertenece na hechonan castigabel cu a trece un kiebro serio riba e orden di derecho y a trece intrankilidad grandi riba e sociedad.
Un Ortopedagogo forensico, a informa cu e sospechoso ta un tanto responsabel, pero cu no a factorisa den corte cu e resultadonan di e prueba no tabata consistente y e mesun aki, falta di desaroyo di su facultadnan mental no a influencia e comportacion di e sospechoso y cu e no tabata tin boluntad propio na momento di e delito.
E castigo tabata igual cu e exigencianan di fiscal.