MADRID, Spaña – Tribunal Supremo Spaño a informa diaranson a rechasa e recurso di e futbolista Argentino di FC Barcelona, Lionel Messi y a mantene e pena previamente imponi di 21 luna di prizon pa un fraude fiscal miyonario.
Messi y su tata Jorge a wordo condena na Juli di 2016 pa defrauda 4,16 miyon di Euro procedente di su derechonan di imagen entre 2007 y 2009 atrabes di un entramado societario. E pena di prizon a wordo suspendi, algo habitual na Spaña ora e condena ta inferior na dos aña.
Corte Supremo, e ultimo instancia di ordenamento huridico Spaño, a confirma e pena di prizon pa e futbolista y e multa di 2,1 miyon di Euro, pero en cambio a rebaha e pena di su tata como cooperador necesario di 21 pa 15 luna di prizon y di 1,6 miyon pa 1,3 miyon di euro di multa.
Den cualkier caso, e ingreso den prizon di ambos lo ta probablemente suspendi di acuerdo cu e ley Spaño na trata di crimennan no violento cu penanan inferior na dos aña cerca acusadonan sin antecedente.
E cinco magistradonan di e tribunal a mantene e criterio exponi na prome instanciapa e Audiencia di Barcelona conforme e futbolista, apesar di alega desconocimento di e gestion di su fortuna.
“No ta resulta acomoda na e logica di admiti kende ta percibi ingresonan importante, ignora e deber di tributa pa esey,” e Supremo ta afirma den su sentencia, destacando cu Messi a interveni personalmente den e eactuacionnan aki.
Yuda pa algun asesor fiscal di Barcelona, tata y yiu Messi a organisa un red di sociedad na Reino Uni, Suisa, Belize y Uruguay pa ingresa e derechonan di imagen di e futbolista, evitando e pago di impuesto.
Durante e añanan aki, Messi ya cu un futuro prometedor, a firma contratonan miyonario cu Adidas, Konami, Pepsi of Danone na nomber di e sociedadnan aki, cual titularnan tabata e of otro miembronan di su famia.
E maniobranan aki a wordo denuncia pa un fiscal di Barcelona na 2013 cu a haci denuncia contra e futbolista y su tata.
E futbolista, un di e cuater deportistanan mas rico, segun Forbes, ya a debolbe mas of menos un cinco miyon di euro na belasting, corespondiente na su presunto evasion y e interesnan. Ainda asina, e y su tata ta riesga un multa ekivalente na e fraude y 22 luna y mey di prizon.
Si nan wordo condena, dificilmente nan lo wordo encarcela, pasobra na Spaña, e penanan inferior na dos aña, no sa wordo aplica si no ta existi antecedentenan hudicial.
Fuente: www.elespectador.com