Corte a dicidi cu representante di Señor Frog’s por bandona Aruba

0

Diabierna, 2 di December a tuma luga un caso den corte caminda cu Daniel Orozco, como representante di Señor Frog’s a entama contra Gobierno, pasobra no ta haya cu tabata na su luga pa e keda Aruba y para responsabel pa e debenan legal di Jobem NV, manera un director.

Orozco a wordo para pa e trahadonan na aeropuerto, despues cu den oranan di marduga di dia 24 di November, a cera porta di e edificio, clausurando esaki.

Durante e caso, Hues ta haya cu Gobierno a actua sin base legal (ilegal) ora cu nan a strob’e di biaha pasobra riba dia 23 di November 2016 Daniel Orozco no a ricibi ningun decision cu e ta responsabel pa debe di belasting. Ta te dia 25 di November 2016 a entrega un decision cu a pone responsabel pa e debenan.

Tambe hues a dicta cu Orozco como empleado di un compania di pafor no por wordo teni responsabel mescos cu un director di Jobem NV.

Awor aki e trahadonan ta spera cu door di e decision tuma pa hues, e trahadonan no wordo afecta den nan pago y por ricibi esaki y ta spera tambe cu manera abogado Joselin Croes a anuncia durante un conferencia di prensa, cu e director di Jobem NV, cu ta responsabel pa loke ta pago di trahado, pago na creditornan etc., lo presenta na Aruba y para responsabel manera cu e abogado a bisa.