GABON – Corte constitucional di Gabon a sostene e victoria electoral di presidente Ali Bongo, nengando e yamadanan di oposicion pa un recuento.
Tabata tin miedo cu tal decision por desemboca den violencia.
Gobierno a bisa cu nan lo tene e lider di oposicion Jean Ping, responsabel si clashnan tuma luga despues di a dicidi.
Presidente Bongo a gana e eleccion na Augustus pa 6000 votopero opocision ta bisa cu tabata tin discrepancia den e votonan.
Siguiendo decision di corte, Presidente Bongo a yama pa un “dialogo politico cu oposicion. Coresponsalnan a bisa cu residentenan di Libreville tabata acumulando cuminda despues di e decision di corte. Tabata tin rijnan largo na banco y supermercadonan riba diabierna, mientras cu embahada Frances a bisa su ciudadanonan pa keda paden.
Riot commando a wordo manda atrabes di e ciudad.
Sr. Ping ta alega fraude den un di e ciudadnan principal di e presidente, e provincia Haut-Ogooue, caminda cu sr. Bongo a gana 95% di e votonan riba un conteo di 99.9%.
Sr. Ping a adverti cu Gabon por enfrenta instabilidad serio si corte mester nenga su apelacion pa un recuento den e provincia aki.
Corte parcialmente a cambia e resultado di e eleccion amargo aki, dunando presidente Bongo 50.66% di e votonan y sr. Ping 47.24%.
E resultado di e eleccion riba dia 27 di Augustus a desemboca den dianan di violencia mortal.
Fuente: BBC World