LEEUWARDEN, Hulanda- Homber sospecha di e morto di Micheal de Vrieze na 2010, diaranson a wordo laga den libertad den Corte di Apelacion. Esaki a wordo raporta door di e agencia di noticia ANP, esaki pa falta di prueba. Ministerio Publico a exigi 12 aña pa Cafer G.
E curpa di e homber hungado di ahedrez nunca a wordo haya. Según G., cu semper a nenga di ta envolvi den e desaparicion di De Vrieze, esaki lo ta bibo y ta bibando na Alemania. Pero no tin prueba di esaki.
E asesinato di De Vrieze procedente di Burum lo a tuma luga na April 2010, na Groningen. G. tambe tabata bibando den e cas ey/ Na December 2011, G. a wordo deteni na Moscu y extradita pa Hulanda.
Na 2013, G a wordo condena na 12 aña di prizon pa homicidio, mientras cu Ministerio Publico e tempo ey a exigi 10 aña. Pero tabata existi duda di e envolvimento di G. E Nederlands Forensisch Instituut (NFI) a conclui despues di un investigacion di nobo, cu a haya menos sanger den e cas cu loke a kere inicialemente.
Durante e sesion den Corte na Leeuwarden dia 13 di December, tanto e sospechoso como su abogado no a presenta. G., di nacionalidad Turco, a wordo laga den libertad en espera di su caso den Apelacion. Poco despues el a wordo deporta. Y tambe e tin prohibicion pa drenta Hulanda.
Fuente: https://www.nrc.nl/