LUNEBURG, Alemania – Corte na Alemania a keda para riba cuater aña di cel pa e ex SS Oskar Groning. E Aleman di 95 aña a wordo haya culpabel pa a contribui na e morto di 300 mil persona den e campo di concentracion Auschwitz.
Groning a wordo condena pa corte na Luneburg, Alemania, pa cuater aña di prizon.
Groning, conoci como e “boekhouder di Auschwitz,” a admiti cu e tabata sa cu Hudiunan tabata wordo mata. E tabata conta e placa di e pertenencia di Hudiunan ora cu nan yega e campo.
No ta cla si Goning lo bay sinta en berdad su castigo den prizon. Prome tin cu haci un analisis si su salud ta permitie si e castigo ta definitivo.
Mortonan sistematico
Groning a traha durante di Dos Guera Mundial como cuidador den e campo di exterminacion Aleman, Auschwitz-Birkenau.
Tambe Groning a yuda e regimen di nazi beneficia economicamente y el a sostene e mortonan sistematico doori su trabao, door di maneha e pertenencia di e victimanan.
El pidi pa ayudo na e asina yama “accion di hamber” den zomer di 1944. A bin sigur 137 transporte cu Hudiunan Hungaro den e campo.
Di e mas of menos 425 mil Hudiu cu a bin, sigur 300 mil a muri. E tabata testigo di e exterminacion masal, pero e mes no a mata ningun hende.
Fuente: De Telegraaf