Corte a acepta e peticion di retiro di empleadonan di Insel Air

0
RBC Juli 2018
Funmiles-2018

WILLEMSTAD- Diabierna Corte a duna su veredicto den e peticion pa retiro di e personal di cabina di Insel Air. Corte a haya cu ta suficiente prueba cu Insel Air ta den un situacion asina precario cu mester baah e cantidad di empleadonan pa sigura continuidad di e compania. Mas aleu, Corte a establece cu e principio di “last in, first out”no a wordo viola. Dado e circumstancianan aki, Corte a dicta cu e cambionan den e circumstancianan ta di tal naturales cu e contrato di empleo si por wordo desolvi entrante 1 di juni 2018. Di e manera aki, Corte ta dicta cu bou di e circumstancianan aki lo por otorga un pakete di disolucion na cada empleado.

 

Corte a dun Insel Air, mirando e intencion pa disolve e contrato labora cu compensacion, basa ariba articulo 7:1615w lid 6 BW e oportunidad pa trek in e peticion prome cu 25 di mei 2018 y Insel Air lo efectua e pago di compensacion na e trahadonan retira.

 

Insel Air den su peticion entrega dia 20 di Februari 2018 relaciona cu 26 di su trahadonan (piloto y personal di cabina) pa disolve e contrato laboral lo mas pronto posibel, sin un compensacion pa cu e trahadonan.

Den su peticion, Insel Air ta referi na su situacion financiero y a wordo concedi “suspension di pago” otorga na 2017. Cu e meta di rentabilisa e compania atrobe, y garantisa contuidad di e aerolinea, e compania hunto cu e administrador y rechtercommisaris na Januari 2018, a dicidi cu no lo sigui cu e operacion di su MD, ya cu pa futuro di e aerolinea e no ta rendabel mescos cu e trabao di algun asistente di personal di cabina.

E cuestionnan relaciona cu e tripulacion di cabina a wordo trata dia 12 y 16 di april 2018. Dia 18 di mey 2018, Corte den Prome Instancia a tuma un decision riba e disolucion di e peticion di e tripulacion di cabina. Corte a dicidi cu e peticionan di terminacion individual no mester ta asina, pero lo mester forma parti di 26 solicitud di retiro, presenta den Corte pa Insel Air.

Corte lo duna su veredicto ariba e peticion di retiro di e pilotonan di Insel Air dia 25 di mei 2018, pa 2 or di merdia.

 

Comments

comments

C: Heineken
new india
dvg