SEOUL, Corea del Sur- Gobierno Surcoreano a bisa diadomingo di lo haci “tur su esfuerzonan pa rebaha e tension” cu Noord- Corea y pa e motibo aki el a habri porta pa dialogo cu e regimen di Kim Jong- Un, mei mei di e tension entre Pyongyang y Washington.
Vice minister di Unificacion Surcoreano, Chun Hae-sung, a bisa cu “gobierno ta considerando tur e pasonan necesario pa baha e tension den e peninsula (di Korea) y mantene e paz for di e aliansa entre Seoul y Washington”.
E crisis entre Merca y Noord- Corea a bira pio despues cu Pyongyang a menasa di ataca e isla Mericano, Guam, ubica den Pacifico. For di eynan a sigui un serie di menasanan verbal entre e mandatarionan di e dos paisnan cu a hala atencion di varios pais aliado cu a pidi mayor discrecion pa soluciona e tensionnan.
Fuente: http://www.ntn24.com