PYONGYANG, Corea del Norte- Durante un inspeccion di e Comando di e Forsa Strategico di Ehercito Popular Coreano dialuna ultimo, e lider norcoreano Kim Jong-un a rebaha su tono y a sigura cu el a dicidi di “observa un poco mas” e accionnan di Merca prome cu e dicidi na ehecuta su menasa di ataca Guam.
Tambe el a urgi Washington pa “desactiva e tension y preveni un conflicto militar peligroso”.
E lider Norcoreano, Kim Jong- un a inspecciona e plannan pa ataca e isla aki den Pacifico Occidental, caminda Merca tin varios basenan militar.
Kim Jong- un a bisa cu si e “yankinan insisti den nan accionnan sumamente peligroso den e peninsula Coreano y su alrededor, e ta test e autocontrol di e Republica Popular di Corea. Esaki lo conduci e lider na tuma un decision importante manera el a declara caba”, segun e agencia estatal KCNA a declara diamars.
Fuente: http://cnnespanol.cnn.com; https://www.efe.com/efe/america/mundo/