E torneo di tennis di mesa Teams Copa Aruba a inicia diamars ultimo den Centro Deportivo Betico Croes cu varios ekipo participando. E weganan a cuminsa cu yen animo y ta bayendo den gran forma. Casi henter e lunanan di Mei y Juni e Copa Teams Aruba ta wordo hunga den team consisti di dos hungado. Mester bisa cu e weganan tur ta riba un super bon nivel, unda nos hobennan ta resalta den forma impresionante den nan weganan hunga. No tin duda cu e nivel di tenis di mesa a desaroya su mes den bon forma unda nos atletanan ta resalta unda cu nan competi. Den varios torneo den nos region y esnan local cada uno a resalta den nan weganan hunga.
E aña aki e teamnan ta consisti di e hungadonan Magic Angle cu Mario Lobo y Andy Gomes, Jon Tai Aruba cu Jeandry Mathilda y Ching Ho Chung, Apa Master cu Ovandi Hirschfeldt, Dony Carolina y Rony Reyes, Power Pong cu Jean Pierre Helmeyer, Donald Yarzagaray y Micheal Kelly, Mario’s Sportshop cu Franklin Lopes, Alfred Leong y Mario Croes, Mazuga Table Tennis cu Jonathan Paredes Jean Claude Hoek, Hooters Table Tennis cu Micheal Ling, Bob Chung y Ruddy Raga, Dragon CD cu James Letren, WingChow Leong. Dirksen Team cu Jhon Dirksen y Robert Dirksen, Omega Table Tennis cu Mikayla Mathilda y Joshua Paredes.
Pa loke ta e resultadonan di e prome rond nos tin Magic Angle contra di Omega Table Tennis 5 – 0, Jon tai Aruba contra Dirksen Team 5 – 0, Apa Master contra Dragon CD 0 – 5, Hooters Table tennis contra Power Pong 3 – 2, Mazuga contra di Mario’s Sportshop 4 – 1. Den e segunda buelta nos a haya Magic Angle contra di Dirksen 5 – 0, Dragon CD contra di Omega 5 – 0, Jon Tai Aruba contra di Hooters Table Tennis 3 – 2, Mazuga contra di APA Masters 5 – 0, Mario’sSportshop contra di Power Pong 4 – 1. Otro siman lo continua cu e di tres buelta di e Copa Team Aruba den dobbel. Esaki pa 8or di anochi de Centro Deportivo Betico Croes.
Un danki sigur na Lotto, e Loteria di Aruba pa medio di Comision di Subsidio cu a yuda subsidia e torneo di Copa Aruba Teams 2017.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.