E anfitrionnan a score 3 gol den 15 minuut di tempo complementario, pero e Faraohnan a reacciona cu’n penalty.
E selección di Rusia a bolbe duna un espectaculo na e fanaticonan di Mundial, despues di a marca Egipto tres gol den 15 minuut di partido di diabierna pa e grupo A. E Faraohnan a reacciona cu’n gol di penalty, pa seya e marcador cu 3-1 na fabor di e anfitrionnan.
E prome tanto di e encuentro a tuma luga pa un autogol pa e Egipcio Ahmed Fathy na di 47 minuut di wega. Despues na di 59 minuut, Denis Cheryshev a aumenta e marcador pa e anfitrionnan, mientras cu poco menos di tres minuut despues di cu Artem Dzyuba tabata encarga pa hiba e score na un solido 3-0 na di 62 minuut.
Sin embargo, poco despues Mohamed Salah a haya un penalty pa su ekipo despues di cu un hungado Ruso a rank’e na su braza mientras e tabata den area rival. E refree na prome instante a fluit un tiro liber, pero despues VAR a confirma e pena maximo, cual a wordo sentencia na di 73 minuut pa e selección Africano.
Di e forma aki, e combinacion Ruso ta cuminsa visualisa su clasificacion pa semi final di e torneo. Esaki ta si Uruguay logra di gana Arabia Saudita, cual ekiponan lo topa diaranson na Rostov.