MOSCU, Rusia- Danki na un bon gol di Hirving ‘Chucky’ Lozano den e prome tempo, e seleccion Mexicano di futbol a supera e ekipo Aleman, superando nan pa un score minimo.
E Tri (color) a traha bon den e recuperacion y a cera tur e espacion pa un conhunto brabo, cu tabata tin e posesion di bala, pero no por a concreta e hopi ocasionnan di gol cu e tabata tin, y termina ta hunga contra holoshi.
A pesar di e dudanan genera pa e polemica rond di e supuesto fiesta cu muhe nan ‘escort VIP’ y e derota den e ultimo partido amistoso prome cu Mundia Rusia 2018 contra di Dinamarca, e combinacion Azteca a regala un fiesta completo na su fanaticonan rond mundo. .
Ta parce cu tur e fanaticonan Mexicano a pensa mesun cos ora cu nan a wak e seleccion gana e actual campeonan di mundo.
Ta di bisa cu Mexico a perde varios oportunidad unico pa aumenta e score, y nan no a sa di probecha di esaki. Alemania na su turno, durante e ultimo 10 pa 15 minuutnan di wega, tabata den un atake constante, cu tironan directo, pero simplemente e bala no tabata kier a drenta den e gol.