MOSCU/MADRID- Julen Lopetegui a wordo retira como seleccionador di Spaña, faltando algun hora mas pa mundial cuminsa.
Diaranson a bira conoci cu e ex futbolista y trainer Fernando Hierro lo tuma encargo over di e seleccion di Spaña pa mundial 2018 na Rusia, despues di e destitucion di Julen Lopetegui, segun e medio oficial di e seleccion.
Segun e comunicado emiti, Hierro lo ta den un conferencia di prensa den e stadion Krasnodar compaña pa Luis Rubiales, presidnete di e Real Federaciion Spaño di Futbol. Por a compronde cu despues di e conferencia di prensa, e trainer lo dirigi su prome training y lo debuta den e partido Spaña- Portugal diabierna anochi na Sochi.
Fernado Hierro ta un ex hungado di Real Madrid y tin 50 aña. Un tempo e tabata capitan di e club di futbol aki como tambe di e seleccion di Spaña, El a participa den cuater mundial y dos Eurocopa. Despues di a retira di e mundo deportivo, el a asumi e cargo di e director deportivo di e Real Federación Española de Fútbol.
Destitución di Lopetegui
Hierro a wordo nombra seleccionador Spaño despues di e destitucion di Julen Lopetegui, faltando algun hora pa mundial Rusia 2018 cumisna. E anuncio ta bin un dia despues di cu e noticia di cu e lo bira director tecnico di Real Madrid pa e siguiente tres temporadanan, a bira conoci.
Esaki ta door di e retiro di e tecnico Frances, Zinedine Zidane dia 31 di Mey ultimo despues di cual e ekipo blanco mester a haya un sustituto pe. Diamars, e club di Santiago Bernabéu a anuncia cu el a haya esaki y cu e lo paga e clausula di e contrato di Lopetegui, di dos miyon euro.