Zurich, SUIZA- Merca, Canada y Mexico a anuncia cu nan lo haci un bid en conhunto pa asina ta anfitrionnan di e Copa Mundial 2026.
E lo ta e prome torneo despues di amplia e ekiponan for di 32 pa 48 ekipo y si e resulta exitoso, e lo ta prome biaha cu tres pais ta anfitrion di e Copa Mundial.
E proposicion lo ta pa Merca ta anfitrion di 60 partido, cu 10 partido cada uno na Canada y Mexico.
E decision di ken lo ta anfitrion di e evento lo wordo anuncia na 2020.
Esey ta tres aña despues di loke tabata planea originalmente, pa motibo di casonan di corupcion den e organisacion, door di a duna Copa Mundial 2018 na Rusia y 2022 na Qatar.
Merca tabata anfitrion di e Copa Mundial di 1994, cual tabata tin e average mas halto di asistencia den e historia di e torneo, mientras cu Mexico tabata e prome pais pa tabata host di e torneo na dos ocasion, na 1970 1985. Na 2015 Canada tabata anfitrion di e Copa Mundial di e Liga di Dama.
E comite ehecutivo di FIFA no ta responsabel mas pa e ultimo palabra riba cua pais lo haya e Copa Mundial.
Na luga di esaki, e lo establece un lista cortico dilanti e 209 paisnan miembro di FIFA pa nan haci uzo di nan derecho di voto pa nan escogencia preferi.
E torneo di 2026 lo ta e prome cu lo wordo dicidi bou di e sistema nobo.