E fin di siman binidero Federacion di Ahedrez Aruba (FAA) ta organisa su torneo tradicional Copa Himno y Bandera. E torneo aki ta cay bou di e torneonan di fin di siman (torneo nacional) cual ta conta pa rating y tambe pa puntonan di FAA.
E Copa Himno y Bandera 2017 lo ser hunga na clubhouse di FAA cual ta ubica na Nieuwstraat 11. Lo tin 3 diferente categoria: Open, U-18 y U12. Inscripcion lo tuma lugar riba diamars 15 di Maart 2107 entre 7.00 – 9.00 pm na clubhouse di FAA. Inscripcion pa miembronan di FAA ta Afl. 10,= pa e categorianan U-12 y U-18, mientras cu miembronan cu lo hunga den e categoria Open lo mester paga Afl. 15,=
Inscripcion pa esunnan cu no ta miembro di FAA ta Afl. 25,=
E categoria di U-12 lo ser hunga riba diasabra dia 18 di Maart y e torneo lo consisti di 7 buelta. Pa wega cada hungado ta haya 15 minuut. Prome buelta lo cuminsa pa 9.30 am y e ultimo buelta lo ser hunga pa1.30 pm, mientras cu entregamento di premio lo tuma lugaentre 2.30-3.00 pm. Lo tin trofeo pa e prome tres luganan di e hungadonan masculino y trofeo pa e prome tres luganan di e hungadonan femenino.
E categorianan Open y U-18 lo ser hunga riba diabierna 17, diasabra 18 y diadomingo 19 di Maart y lo hunga un total di 5 buelta. Pa wega cada hungado ta haya 1 ora y 15 minuut y lo haya un ‘incrementing time’ di 30 seconde pa movida.
Apertura lo tuma luga di 7.45-8.00 pm diabierna dia 17 di Maart y despues e prome buelta lo ser hunga di 8.00-11.30 pm. Diasabra dia 18 lo hunga buelta no. 2 di 3.00-6.30 pm y buelta no. 3 di 7.00-10.30 pm. Diadomingo dia 19di Maart lo hunga buelta no. 4 di 10.00-1.30 pm y e di 5 y ultimo buelta lo ser hunga di 2.00-5.30 pm. Entregamento di premio lo tuma luga entre 5.30-6.00 pm.
Pa Categoria di U-18 lo tin 3 trofeo pa e prome 3 luganan, mientras cu lo tin un medaya pa e miho hungado di e categorianan inoficial U-16 y U-14.Den Open e prome tres luganan lo gana trofeo.
Federacion di Ahedres Aruba kier a invita tur su miembronan y interesadonan pa bin hunga y/of bishita e Copa Himno y Bandera 2017 na su clubhouse durante e dianan 17, 18 y 19 di Maart. Alabes FAA kier a gradici Comision di Subsidio/Lotto pa Deporte pa na aporte financiero cu ta haci e torneo aki posibel.