E torneo di tennis di mesa Teams Copa Aruba ta bayendo den gran forma. Den henter e lunanan di mei, juni y juli e Copa Team Aruba ta wordo hunga den e categorianan di A y B klas. Mester bisa cu e weganan tur ta riba un super bon nivel, unda nos hobennan ta resalta den forma impresionante den nan weganan hunga.
Den categoria A klas nos a haya Magic Angle a gana 3×0 for di Dragon CD, despues Mazuga Table Tennis a gana 3×1 di 297 ping pong. Tambe nos ta haya Hooters table tennis a gana 3×1 di Mario Sportshop, Hooters a gana 3×1 di Dragon CD. Den e categoria di B klas nos ta haya Jon Tai Energy ta gana 3×1 di APA Master, mientras cu Shoco Table Tennis a triunfa 2×0 di Hand Pong.
Su siguiente siman e weganan a sigui den e mesun categorianan di A klas y B klas. Aki nos a haya Magic Angle ta gana di Power Pong 3×0, Mazuga table tennis a gana 3 x0 di Mario’ s Sportshop, e team di 297 Table Tennis a gana 3×0 di Dragon CD. Den e categoria B klas nos tin Jon Tai Energy a gana di 3×1 di Club Estrella pong. APS Master dos wega prome nan ta gana 3×0 di Schoco Pong y despues 3×0 di Hand ping pong.
Asina e weganan di Copa teams Aruba den tennis di mesa ta continua tur siman. Notabel cu tin tres seleccionado di Venezuela na Aruba cu ta preparando pa e Weganan CAC y nan tambe ta participa den e torneo aki. Pa nos hungadonan un bon momento pa hunga contra di top atletanan di nos pais bisiña.
Stichting Sportsubsidie Aruba tambe a yuda subsidia e campeonato Copa Teams Aruba oorganisa pa Aruba Table Tennis Association.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.