Despues di varios siman di bataya fuerte, unda cada un di e hungadornan a luci, e weganan di tennis di mesa den e Copa Aruba San Nicolas a culmina cu e gran final den e sala di recreo di IBiSA San Nicolaas. Mester bisa cu e Copa Aruba San Nicolas tabata dedica na honor di sr. Jerry Gomes, awe den felis memoria. Como ganado absoluto di e torneo a keda e hoben Jeremy Ras,sigui na di dos luga pa Joseline Boekhoudt y di tres lugar pa Jermaine Ras.
Tambe a otorga premio na e di cuater te cu shete luga. Na di cuter lugar a keda Marc Rasmijn, na di cinco lugar a keda Lo Wa Chang mientras na di seis y di shete lugar a keda Lo Hien Chang y Trevor van der Biezen respectivamente. Na final yiu di Sr.Jerry Gomes, esta Andy Gomes porcierto tambe un atleta top den e deporte di tennis di mesa a haci entrega di e premionan na esnan cu a triunfa den e Copa Aruba San Nicolas pa Hubentud.
Un danki sigur na Lotto, e Loteria di Aruba pa medio di Comision di Subsidio cu a subsidia e Copa Aruba San Nicolas pa hubentud den tennis di mesa.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.