Departamento di Aduana kier recorda tur persona biahando pa exterior durante temporada di fin di aña y cu lo bay haci compras di articulonan pa uzo personal of negoshi pa tene cuenta cu na yegada na Aruba tin cu declara e mercancia debidamente na Aduana.
Pa productonan di uzo personal te cu un balor di factura di 400 florin ta posibel pa importa esakinan sin cu ta necesario pa paga impuesto di importacion. Articulonan cu ta wordo importa y cu tin un balor di factura cu a surpasa 400 florin lo mester paga derecho ariba e producto completo.
Corda cu articulonan pa uso comercial no ta bin na remarca pa cu e exoneracion aki.